18/12/17

PALLABRES DE NAMORÁU



¡Oh, astru al que llamamos rei! ¿Por qué me faes tracamundiar el día y la nueche? ¿Por qué me faes tar espiertu cuando tu duermes? Nun soi a pensar namái nuna cosa que tu nun me yes a dar. ¡Na mio neña del alma! ¡Na auténtica astru rei de cielu y tierra! ¡Nel mio amorín! Tengo la cabeza nesi llugar onde toles mañanes la veo peñándose sele la so rubia melena; con esi dulzor; con esa lluz qu’afonda nel mio sentir; con esos llabios que besen la mio mirada; cola fonda canción qu’interpreta pa que los oyíos me la tararieen ensin descansu. Dende la primer vez que la vi, na fonte que da entrada a la viesca, col peñe d’oru perpasándola penriba los pelos, nun soi a quitámela de la mollera. Toles mañanes me digo que teo de confesa-y el mio amor y toles mañanes vuelvo pa casa represu. Voi camín d’atopala y, abúltame, güei la canción suena más fuerte, como si me llamare, como si me fuere llevar a la so casa, como si eses risuques qu’echa supieren de la mio persona. Nun soi a parar les piernes. Vanme como soles. ¿Qué ye esto? Nun soi a frenar el mio pasu. Dalgo ta a pasar. Voi entrar nuna cueva y nun sé nin porqué. Nun quiero dir; nun quiero dir, nun quiero dir, nun quie...


Acábase l'añu y el qu'entra voi entamalu espublizando'l segundu y tercer llunes del mes pol aquello les vacaciones. Vémonos entós de nueves el 8 de xineru con una sorpresuca reyes que nun vos voi adelantrar. En febreru tornaremos al primer y tercer llunes de cada mes, como siempre. Hasta l'añu qu'entra, pasá-ylo perbien y  ta llueu.


.

4 comentarios:

  1. Igualmente, Nel, pásalo perbién y fasta'l 18. Saludos.

    ResponderEliminar
  2. El 18 non Abel, el 8, pásalo tu tamién bien y vámonos. 2018 ye l'añu la Oficialidá. Saludos.

    ResponderEliminar
  3. Me cuesta mucho entender el lenguaje, soy muy malo para los idiomas. Acabo de ver que me comentaste a mediados de diciembre. Espero que todo te vaya bien y que de vez en cuando publiques en castellano. Un abrazo.

    ResponderEliminar
    Respuestas
    1. Hola Ximens, la cosa me va de perlas. Me acaban de publicar la novela juvenil con la que hace tiempo recibí el premio de la Academia de la Llingua Asturiana y esta en imprenta una novela para adultos que me saca la editorial asturiana Trabe. De vez en cuando publico en castellano en el blog Deseo Indigno que está en Wordpress, pero el grueso de mi trabajo está en asturiano, lengua en la que estoy escribiendo otra novela y un amigo me está ordenando poemas para presentar a subvención. Como ves, no paro; pero eso me mantiene vivo y feliz. Espero que a ti la vida te sonría también. Recibe un saludo muy muy grande y una admiración enorme por tus relatos.

      Eliminar