El silenciu ye una pallabra
de
foles airaes
qu’averen
el tiempu
a la lluna de besos.
El silenciu ye una llibreta
de
gaviluetes de tinta
que
nalen en ríos
d’azules abrazos.
El silenciu ye una poesía
de
texos suañadores
que
guarden la vida
nuna mirada d’afeutu.
El silenciu somos tu y yo
amorosándonos.
amorosándonos.
El 19 de febreru que vien espublizaráse la flash fiction entitulada Agua pa Llagarteses. Hasta entós, ta llueu.
.
No hay comentarios:
Publicar un comentario